लाेकपाटी न्यूजकाठमाडौं १५, असोज । महानगरीय प्रहरी परिसर ललितपुरले चाडबाड सुरक्षा योजना सार्वजनिक गरेको छ ।
चाडबाडको समयमा मानिस घरमा नहुने, किनमेल गर्दा भिडभाडको समयमा लुटपाटमा घटना घट्ने भन्दै प्रहरीले विशेष सुरक्षा योजना सार्वजिक गरेको परिसरका प्रवक्ता प्रहरी उपरीक्षक शेखर खनालले जानकारी दिए ।
सुरक्षा योजना अनुसार जिल्लामा २४ सै घण्टा सुरक्षा व्यवस्था मिलाइएको छ । त्यसको लागि एक हजार ९७ जना प्रहरी परिचालन हुनेछन् ।
बिभिन्न बित्तिय संघ संस्था,स्थानीय क्लव, भद्रभलादमी, बुद्धिजिवी समाजसेवी, बिभिन्न राजनैतिक दलका पदाधिकारीसँग गरिएको अन्तरक्रियात्मक एवम् जनचेतनामुलक कार्यक्रमबाट सुरक्षा योजना ल्याएको खनालको भनाई छ ।
गस्ती टोलीमा मोबाइल टोलीदेखि साइकल गस्ती रहनेछ । जसमा ३१ वटा पैदल गस्ती, १९ नाकामा गस्ती, २१ साइकल गस्ती, ११ ठाँउमा आकास्मिक चेक जाँच र अन्य गरी एक हजार ९७ जना प्रहरी परिचान हुनेछन् ।
आइतबार मात्र काठमाडौं प्रहरीले समेत चाडबाड सुरक्षा योजना सार्वजनिक गरेको थियो । काठमाडौं प्रहरीले तीन हजार पाँच सय ३५ प्रहरी परिचानल गरेको छ ।
