हस्पिटलमा बन्द हड्ताल गरेपछि यसो त हुनु नै थियो

kc-vs-birami
लाेकपाटी न्यूज
0 Shares

काठमाडौं, १७ माघ । डा.गोविन्द केसीको अनसनका कारण विरामी समस्यामा परेकोको भन्दै आक्रोशित बनेका आफन्तहरुले टिचिङ अस्पतालमा प्रदर्शन गरेका छन् ।

उनको जिद्दीपूर्ण अनसनका कारण विरामी समस्यामा परेको भन्दै विरामीका आफन्तहरु आक्रोशित बनेका हुन् । उनीहरुले डा. केसीका माग र अनसनविरुद्ध चर्का नाराबाजी समेत गरेका छन् ।

डा. केसीको अनसनका कारण हजारौं विरामीले सेवा नपाएको, विरामीका आफन्तहरुले तनाव झेल्नु परेको भन्दै आक्रोशित विरामी, आफन्त र सर्वसाधरण समेत विरोध प्रदर्शनमा सहभागी छन् ।

उनीहरुले अस्पताललाई शान्ति क्षेत्र घोषणा गर्न माग गर्दै प्रदर्शनमा ‘माफियामुखी अनसन चाँहिदैन, अस्पतालमा अनसन बस्न पाइँदैन, बिदेशी शक्ति मुर्दावाद, माफियामुखी केसीको अनसन चाँहिदैनलगायतका नारा लगाएका छन् ।

इलामबाट १६ औं अनसन शुरु गरेका डा. गोविन्द केसीको अनसन २३ दिन भइसकेको छ । डा. केसीको अनसनका कारण खलबलिएको टिचिङ अस्पतालको सेवाका कारण सर्वसाधरण ठूलो मारमा परिरहेका छन् । केसीको माग पूरा गराउने नाममा अस्पतालको सेवा नै छोडेर चिकित्सकहरु सडक आन्दोलनमा जाने गरेका कारण विरामीले उपचार सेवा पाउन सकिरहेका छैनन् ।

ठूलो रकम तिरेर टाढा टाढाबाट उपचारका लागि टिचिङ अस्पताल आएका विरामी र विरामीका आफन्त चिकित्सकले विरामीको अवस्थालाई वेवास्ता गर्दै आन्दोलनमा हिँडेपछि विरामीका आफन्त आक्रोशित बन्दै आएका हुन् ।

उनीहरुले गम्भीर अवस्थाका विरामीहरुलाई समेत नहेरी ‘आन्दोलनको बेलामा के को उपचार ?’ भन्दै विरामीका आफन्तहरुमाथि रुखो व्यवहार गर्न थालेपछि सर्वसाधरण, विरामी र विरामीका आफन्तहरु आक्रोशमा आएका छन् ।

सरकारी सुविधा खाएर विरामीको उपचारमा संलग्न हुनुपर्ने डाक्टर दिनहुँ आन्दोलन भन्दै बाहिर जाने गरेका कारण वाध्य भएर कर्तव्य भुलिरहेका डाक्टरहरुविरुद्ध आन्दोलनमा उत्रिनु परेको एक विरामीका आफन्तले बताए ।

 यस्तै कांग्रेस निकट रहेका विभिन्न संघ संगठनले पनि डा. केसीको जीवन रक्षाको माग गर्दै आजै काठमाडौंको माइतीघरमा प्रदर्शन गर्ने तयारी गरेका छन् । चिकित्सा शिक्षा क्षेत्रको सुधारको मागसहित डा. केसीको सत्याग्रह २३ औं दिन हुँदा समेत माग सम्बोधनका लागि सरकार गम्भीर नदेखिएको भन्दै दवावस्वरुप प्रदर्शन गर्न लागेको उनीहरुले बताएका छन्

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्