लाेकपाटी न्यूजकाठमाडौं, १० फागुन । नेपाली विद्यार्थीका लागि अस्ट्रेलिया महत्वपूर्ण र आकर्षक गन्तव्य बन्दै गएको छ । त्यसै कथावस्तुमा आधारित चलचित्र ‘कागजपत्र’को ट्रेलर बुधबार राजधानीमा आयोजित एक कार्यक्रमका बीच सार्वजनिक भएको छ ।
अपील विष्टको निर्देशन रहेको चलचित्र ‘कागजपत्र’को ट्रेलरमा पछिल्लो समय बढ्दै गइरहेको अस्ट्रेलिया मोहको कथालाई प्रस्तुत गरिएको छ । ट्रेलरमा अस्ट्रेलिया जानका लागि गरिएको नक्कली बिहेदेखि उमेरको अन्तर लगायतको कुरालाई देखाइएको छ ।
चलचित्रमा अभिनेता नाजिर हुसेन एक जग्गा दलालीको भूमिकामा देखिएका छन् भने नायिका शिल्पा मास्के र कलाकार भोला सापकोटा विदेश जानका लागि नक्कली विवाह गरेको देखाइको छ । चलचित्रमा नाजिर, शिल्पा र भोलाको साथमा सरिता गिरी, लक्ष्मी बर्देवा, जीवन भट्टराई लगायतका कलाकारको अभिनय रहेको छ ।
चलचित्रमा खिलेन्द्र तिमिल्सिना, मुकेश रेग्मी र प्रजापति सिवाकोटीको लगानी रहेको छ भने यसका कार्यकारी निर्माता नीरज सिंह विष्ट हुन् ।चलचित्रमा निमेष श्रेष्ठको सम्पादन, कास्मिर डिक्सनको छायाङ्कन, वसन्त सापकोटा, सङ्गीत सापकोटा, हर्कुलस बस्नेतको सङ्गीत छ ।
