Spread the love
  • 94
  •  
  •  
  •  
  •  
    94
    Shares

कम उमेरमै बुढा देखिन्छन् यस्ता मान्छे

0

काठमाडाैं। अत्यधिक धुमपान गर्नेहरूलाई कम उमेरमा पनि बुढोजस्तो देखिने समस्या हुने एक अध्ययनले देखाएको छ। हालै सार्वजनिक भएको अध्ययन प्रतिवेदनका अनुसार चुरोट बढी सेवन गर्नेहरूलाई वास्तविक उमेरभन्दा बढी बुढो देखिने गरेको छ।

ब्रिष्टोलको लुईस मिल्लार्ड विश्वविद्यालयका अध्येताहरूले गरेको अध्ययन प्रतिवेदन पिएलओएस जेनेटिक्समा प्रकाशित भएको हो। उमेरभन्दा छिट्टै बुढ्यौली अत्यधिक धुमपानका कारणले भएको हो की बंशाणुगत कारणले भएको हो भन्ने तथ्य बैज्ञानिकहरूले छुट्याउन सक्ने पनि अध्ययनकर्ताहरुले जनाएका छन्।

अध्ययनकर्ताहरुले अध्ययनमा सहभागीहरूलाई दुई समूहमा बाँडेर अध्ययन गरेका थिए । तीमध्ये एउटा समूह कहिल्यै धुम्रमान नगरेकाहरुको थियो भने अर्को समूह अहिले धुमपान गरिरहने वा विगतमा गरेकाहरूको थियो। अन्य कुरा समान रहेको अवस्थामा पनि धुमपान गर्ने र नगर्नेका बीचमा तुलना गर्दा धुमपान नगर्ने भन्दा धुमपान गर्नेहरु बढी बुढो देखिएको अध्ययन प्रतिवेदनमा उल्लेख छ।

बढी धुमपान गर्नेहरुमा बुढ्यौली देखिने समस्यासँगै घाँटी, फोक्सो, आन्द्रा, छाला लगायतमा अनेक समस्या देखिने गरेको उनीहरुले जनाएका छन्। धुम्रपानको असर उनीहरुले कति मात्रामा धुम्रपान गरेका छन्, त्यहि मात्रामा असर पर्ने गरेको पाइएको पनि अध्ययनकर्ताहरुले बताएका छन्।

Spread the love
  • 94
  •  
  •  
  •  
  •  
    94
    Shares
You might also like
Comments
Loading...