लाेकपाटी न्यूज
काठमाडौं, १७ फागुन । सामूहिक बलात्कारपछि युवतीलाई मराणसन्न हुनेगरी कुटपिट गर्ने तीन अभियुक्तलाई १० वर्ष २ महिना कैदको फैसला सुनाइएको छ ।
ललितपुर जिल्ला अदालतका न्यायाधीश धनसिंह महराको इजलासले जबर्जस्ती करणीमा १० वर्ष, ज्यान मार्ने उद्योगमा १० वर्ष र चोरी मुद्दामा ६० दिनको फैसला सुनाएको हो ।
तीनै अभियुक्तले अधिकतम १० वर्ष कैद भुक्तान गर्नुपर्ने अदालतका स्रेस्तेदार चन्द्रप्रकाश तिवारीले बताए । फरक फरक मुद्दामा सजाय भएकाले अधिकतम् १० वर्ष कैद भुक्तानपछि तीनैजना रिहा हुनेछन्।
श्रेष्तेदार तिवारीका अनुसार अभियुक्तहरूले जनही एकलाखका दरले पीडितलाइ क्षतिपूर्ती दिने समेत फैसला भएको छ ।
ललितपुर गोदामचौरमा बस्ने कामकाजी एक युवतीलाई स्थानीय विशालध्वज कार्की, रघु सिलावाल र पवन कुँवरले २०७४ मंसिर २ गते राति बलात्कारपछि अर्धचेत अवस्थासम्म कुटेका थिए ।
महानगरीय अपराध महाशाखाको टोलीले उनीहरुलाई तीन महिनाअघि पक्राउ गरेको थियो ।
