मन्त्री अर्यालद्वारा डिजिटल कलङ्की मालपोत अनुगमन

अनुगमन
लाेकपाटी न्यूज

काठमाडौं, ३ चैत । भूमि व्यवस्था, सहकारी तथा गरिबी निवारण मन्त्री पद्मा अर्यालले आइतबार काठमाडौंको कलंकीस्थित रहेको मालपोत कार्यालयको अनुगमन गरेकी छन् ।

हाल कलंकी मालपोत कार्यालय डिजिटल प्रणालीमा लैजान तयारी भइरहेको छ । त्यही तयारीको काम के कस्तो भैरहेको छ भन्ने बुझ्न तथा अनुगमन गर्न मन्त्री अर्याल त्यहाँ पुगेकी हुन् ।

देशभरीका मालपोत र नापी कार्यालय डिजिटल बनाउने मन्त्रालयको तयारी छ । त्यसको सुरुवात कलंकी मालपोत कार्यालयबाट हुन लागेको हो ।

अहिले कलंकी मालपोत कार्यालयमा डिजिटल प्रणालीमा कार्यालयलाई प्रतिस्थापन गर्ने क्रममा पुराना दस्तावेजलाई स्क्यानिङ गरेर कम्युटरमा राख्ने काम भइरहेको जनाइएको छ ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्