प्रश्नपत्र बाहिरिएको विरोधमा विद्यार्थीले गरे प्रदर्शन

aandolan
लाेकपाटी न्यूज
0 Shares

रौतहट, १५ चैत । एसईई परीक्षाको प्रश्नपत्र बाहिरिएपछि त्यसको विरोधमा प्रदर्शन भइरहेको छ । रौतहटमा प्रश्नपत्र बाहिरीएको विरोधमा विद्यार्थीहरुले प्रदर्शन गरेका हुन् ।

विज्ञान विषयको प्रश्नपत्र आउट भएलगत्तै बिहीबार पुनः सामाजिक विषयको पनि प्रश्नपत्र आउट भएपछि विद्यार्थीहरुले त्यसको विरोधमा रौतहतको चन्द्रनिगाहपुरमा प्रदर्शन गरेका छन् । सडकमा निस्केका आक्रोसित विद्यार्थीहरुले संघका शिक्षामन्त्री गिरिराजमणि पोखरेल र गृहमन्त्रीको राजीनामा माग्दै नाराबाजी गरेका थिए ।

विद्यार्थीले टायर बालेर पूर्व–पश्चिम राजमार्गमा गरेको प्रदर्शनले केहीबेर सवारी आवागमन प्रभावित बनेको थियो ।
जिल्ला प्रहरी कार्यालय, रौतहटले केहीबेर विद्यार्थीको प्रदर्शनले सडक अवरुद्ध बने पनि अहिले सञ्चालनमा आएको जनाएको छ ।

प्रदेश २ मा एकपछि अर्को प्रश्नपत्र बाहिरिएपछि परीक्षा प्रणालीमाथि गम्भीर प्रश्न उठेको छ । विज्ञान विषयको प्रश्नपत्र बाहिरिएको घटना नसेलाउँदै सामाजिक विषयमा पनि त्यही क्रम दोहोरिएपछि विद्यार्थीहरु अन्योलमा परेका छन् ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्