लाेकपाटी न्यूजकाठमाडौं, १६चैत। काठमाडौं उपत्यकासहित देशका धेरै ठाउँको मौसम अहिले बदली भएको छ। पूर्व र पश्चिममा रहेको न्यूनचापीय क्षेत्रको प्रभावले अहिले देशभरिकै मौसम बदली भएको मौसम पूर्वानुमान महाशाखाले जनाएको छ।
काठमाण्डौंसहित मध्य र पूर्वी क्षेत्रको मौसम भने सामान्यतया बदली भई दिउँसोपछि मेघगर्जन र हावाहुरीसहित पानी पर्ने मौसमविदको अनुमान छ। महाशाखाकी मौसमविद् मन्जु बासीका अनुसार यो प्रणाली पश्चिममा कमजोर हुँदै गएकाले शनिबार पश्चिमको मौसम एकैछिन खुल्दै बदली हुनेछ।यस्तै उच्च हिमाली क्षेत्रमा हिमपात पनि हुने सम्भावना छ।
