लाेकपाटी न्यूजअनिस तामाङ/युएई। मार्च ३१ तारिख अर्थात् चैत्र १७ गतेदेखि हिमालय एयरलाइन्सले युएईको राजधानी अबुधाबीबाट काठमाडौंको सिधा उडान सुरु गरिएको छ।
एयरलाइन्सले आफ्नो उडान सुरु गरेको हिमालय एयरलाइन्सका जिएसए फिस्टेल ट्राभल्स एण्ड टुरिजम एलएलसीका सञ्चालक एवं एनआरएनए आइसिसी सदस्य ठाकुर प्रसाद ढुङ्गानाले लोकपाटीलाई जानकारी दिए। यसअघि युएईको दुबईबाट हिमालय एयरलाइन्सको उडान भरे पनि राजधानी आबुधाबीबाट उडान थिएन।
आइतबारबाट आबुधाबीबाट काठमाडौंका लागि प्रत्येक सोमबार, बुधबार र शुक्रबार उडान भर्नेछ । भिजिट नेपाल–२०२० स्वदेशी तथा विदेशी पर्यटकहरुको चापलाई मध्यनजर गरेर अबुधाबीमा पनि हिमालय एयरलाइन्सले आफ्नो उडान सुरु गरेको हो।
उडानको समय तालिकाअनुसार बिहान १.४५ बजे अबुधाबीबाट उडेको जहाज काठमाडौंमा बिहान ८.४५ मा अवतरण गर्नेछ। त्यसैगरि साँझ ८.४५ मा काठमाडौंबाट उडेको जहाज ११.४५ बजे युएईको अबुधाबीमा आइपुग्ने छ। हिमालय एयरलाइन्सले दुबई, साउदीको दम्माम, मलेसिया र कतारमा उडान भर्दै आएको छ।
