लाेकपाटी न्यूजकाठमाडौं, २१ चैत। म्यान्चेस्टर सिटी इङ्गलिस प्रिमियर लिग फुटबलको शिर्ष स्थानमा फर्किएको छ। कार्डिफ सिटीलाई हराउँदै म्यान्चेस्टर सिटी लिग फुटबलको शिर्ष स्थानमा फर्किएको हो।
बुधबारराती भएको खेलमा म्यान्चेस्टर सिटीले कार्डिफलाई २–० ले हरायो। खेलमा म्यान सिटीलाई विजयी गराउन केभिन डे ब्रायन र लेरोए सानेले एक एक गोल गरेका थिए । जितसँगै सिटीले शिर्ष स्थानको लिभरपुललाई १ अंकले उछिनेको छ। लिगमा ३२ खेलबाट म्यान सिटीको ८० अंक छ भने लिभरपुलको ७९ अंक छ।
प्रिमियर लिगअन्तर्गत बुधबारराती भएको अर्को खेलमा चेल्सीले ब्राईटनलाई ३–० ले हरायो। आफ्नै मैदानमा चेल्सीलाई विजयी गराउन ओलिभर जिरु, एडिन हाजार्ड र रुबेन लोफ्टसले एक एक गोल गरे।बुधबारराती भएको अर्को खेलमा टोटनह्याम हट्सपरले क्रिष्टल प्यालेसलाई २–० ले हरायो। टोटनह्यामलाई विजयी गराउन हिउङ मिन सन् र क्रिश्चियन एरिक्सनले एक एक गोल गरे।
