लाेकपाटी न्यूजकाठमाडौं,२१ चैत। महालक्ष्मी म्युजिक प्रालिको गायिका विष्णु माझी र गायक नेत्र कडेँलको मार्मिक आवाजमा जिवन भोगाईमा आधारित लोक कोशेली ”पिरतीले रुवाउँछ ” गीतको भिडियो सार्वजनिक भएको छ।
गीतमा शब्द सिर्जना सुनिल केसी, गणेश अधिकारीको लय सिर्जना रहेको छ। प्रेमको अभावमा भौतारिएका प्रेमी प्रेमिकाको पिडालाई गीतमा समावेश गरिएको छ।
मायामा पिरतीले रुहाँउछ भन्ने जानकारी भएकाले पिडा भुल्नको लागी गीतमा प्रेमीकाले प्रेमीलाई आग्रंह गरेकी छन्। गीतलाई छोटो समयमा अत्याधिक रुचाएको छ। विष्णु माझीले गाएको पछिल्लो गीत मध्य उत्कृष्ट सिर्जना भन्दै धेरैले कमेन्ट समेत गरिरहेका छन्।
रन्जिता गुरुङ्गको जिवन्त अभिनयको खुलेर प्रसंशा भईरहेको छ। अजय रेग्मीको छायाँकन, विनोद बमको सम्पादन, काजिश श्रेष्ठको निर्देशन भिडियोमा रहेको छ। ”पिरतीले रुवाँउछ ” गीतको भिडियोमा रंजिता गुरुङ र संगीत शर्माको निकै मन छुने अभिनय रहेको छ।
