लाेकपाटी न्यूजकाठमाडौं, २५ चैत । कलाकार तथा लेखक जीवन थापा ‘क्षितिज’ द्वारा अभिनित म्युजिक भिडियो ‘पानी आउने धारो’ सार्वजनिक भएको छ। धेरै म्युजिक भिडियोमा सफल अभिनय गरिसकेका थापाको उत्कृष्ट अभिनय रहेको उक्त भिडियो आज सार्वजनिक भएको हो।
शान्ता खत्री कार्कीको शब्द रहेको उक्त गीतमा चर्चित गायक राजनराज शिवाकोटी र गायिका शान्ता खत्री कार्कीको सुमधुर स्वर रहेको छ। उक्त म्युजिक भिडियोमा कलाकार जीवन थापा क्षितिज, आशिका अधिकारी र आर.के. थापा (देशभक्त) को दमदार अभिनय रहेको छ।
गणेश उपाध्यायको उत्कृष्ट निर्देशन रहेको सो म्युजिक भिडियोको छायाङ्कन मनोज राईले गरेका छन् । दीपा मगरको मेकअप रहेको म्युजिक भिडियो ‘पानी आउने धारो’ को सम्पादन ललित सिंह साउदले गरेका छन्।
उक्त म्युजिक भिडियोको छायाङ्कन काठमाडौंकै विभिन्न ठाउँमा गरिएको छ।
