लाेकपाटी न्यूजकाठमाडौं, ०५ वैशाख । नेपाली चलचित्र जगतमा निकै लोकप्रिय अभिनेता हुन् पल शाह। उनले धेरै म्युजिक भिडियो तथा चलचित्रमा आफ्नो कुशल अभिनय प्रस्तुत गरिसकेका छन्।
तिनै चर्चित अभिनेता अभिनित सिनेमा हृदयभरी को अहिले धमाधम छायांकन भैरहेको छ । यो सिनेमामा मिस नेपाल बनेकी एक यूवती र एक यूवकको प्रेमकथालाई उठाइएको छ । पल शाह अभिनित यो सिनेमाको रिलिज आगामी भदौ २७ गतेलाई तय गरिएको छ ।
भदौ २७ मा सिनेमा रिलिज गर्ने तय भैसकेको अवस्थामा यो सिनेमाका निर्देशक सुरज सुब्बालाई केही तनाव उत्पन्न भएको छ । यो मितिमा अभिनेता आकाश श्रेष्ठ र अभिनेत्री पूजा शर्मा अभिनित सिनेमा सम्हालिन्छ कहिले मन पनि रिलिज हुने चर्चा भइरहेको छ ।
हालैमात्र लण्डनमा फिल्मको छायांकन सकाएर फर्किएको यो टिमले भदौ २७ मा फिल्म ल्याउने तयारी गरिरहेको छ । यस्तो भएको खण्डमा म यस्तो गीत गाउँछु मा एकसाथ काम गरेका पल र पूजाको भिडन्त बक्स अफिसमा हुनेछ ।
