माइग्रेनबाट कसरी जाेगिने ? (घरेलु टिप्स्)

migraine
लाेकपाटी न्यूज
0 Shares

काठमाण्डाैं । माइग्रेन एक न्युरोलोजिकल समस्या हो । माइग्रेनले  टाउकोको दुखाइ बढ्छ । माइग्रेनका कारण टाउको दुख्यो भने त्यसलाई घटाउन एकदमै गारो हुन्छ । माइगे्रन भएको समयमा मस्तिष्कमा रक्तसञ्चार बढ्छ, जसका कारण चर्को गरी टाउको दुख्छ ।

शरीरले गर्ने न्युरोट्रान्समिटरको उत्पादन पनि माइग्रेनको कारण हुन सक्छ। माइग्रेन भएको समयमा मस्तिष्कमा रक्तसञ्चार बढ्छ, जसको कारण चर्को गरी टाउको दुख्ने गर्छ।यसको खतरा गर्मीमा झन बढ्ने डक्टरहरु बताउछन । गर्मीमा तापक्रम बढी हुन्छ र घामको तेजका कारण माइगे्रनको दुखाई बढ्छ । साथै गलत खानपान, वायु प्रदुषण, सोडा, चिया पेयपदार्थ, क्यफिन युक्त पदार्थको सेवनले माइगे्रन बढ्छ र यसैगरी शरिरमा अक्सिजनको मात्रा कम भएमा समेत यसको दुखाई बढ्न सक्छ ।

गलत खानपान, वायु प्रदुषण, डिहाइड्रेशन, सोडा, चिसो पेयपदार्थ, क्याफिनयुक्त पदार्थको सेवनले माइग्रेनलाई बढाउँछ। साथै, गर्मीमा शरीरमा अक्सिजनको मात्रा कम हुने भएकाले पनि माइग्रेनको दुखाई बढी हुन्छ। माइग्रेनको समस्या पुरुषमा भन्दा बढी महिलामा हुने एक अध्ययनले देखाएको छ। तनावपूर्ण जीवन र हर्मोनको असन्तुलनले गर्दा महिलामा माइग्रेन बढी हुन्छ। 

समाधानका उपाय

शुद्ध घ्यू खाने: माइग्रेनको लागि विभिन्न घरेलु उपायमध्ये एक प्रभावकारी उपाय घरमा बनाएको शुद्ध घ्यू हो । यसको दुई थोपा नाकमा हालेर पल्टिटने जसले नाकलाई सफा गर्छ । र माइग्रेनबाट छुटकारा मिल्छ ।

बरफले मालिस गर्ने: माइग्रेनबाट तुरुन्तै छुटकारा पाउनको लागि अर्को उपाय भनेको बरफले मालिस हो । साथै, मनतातो पानीमा तौलिया भिजाएर गर्दनमा राख्दा पीडा कम हुन्छ ।

ओलिभ तेल: एउटा भाँडोमा पानी उमाल्ने र त्यसमा ओलिभको तेल हाल्ने र टाउकोमा लगाउने । त्यसलाई तौलियाले बेर्ने र बाफ लिने । १५÷२० मिनेट बाफ लिएपछि माइग्रेनको दुखाई कम हुन्छ ।

बन्दागोभी: बन्दागोभीको पात पिसेर काँध र गर्दनमा लगाउँदा माइग्रेनको समस्या कम हुन्छ ।

काक्रो र गाँजर: असहनीय पीडा भएका काक्रो र गाँजरको रस निकालेर पिउँनुपर्छ । यसले तुरुन्त आराम प्रदान गर्छ ।

के खान हुँदैन ?

आइसक्रिम र चिसो खानेकुरा: गर्मीमा आइसक्रिम र चिसो खानेकुरा धेरै खाने गरिन्छ । अत्याधिक चिसो खानेकुराले माइग्रेनको दुखाई बढाउँछ । व्यायाम गर्नेवित्तिकै यस्ता खाद्यपदार्थको प्रयोग गर्नुहुँदैन ।

चकलेट: चकलेटमा क्याफिनको मात्रा बढी हुन्छ । यसमा बिटा– फेनिलेथाइलामिन नामक तत्व हुन्छ । जसले रक्त तन्तुहरु तन्काउने काम गर्छ जुन माइग्रेनका विरामीहरुका लागि एकदमै हानिकारक हुन्छ ।

पनीर: गर्मीमा पनीर खानु माइग्रेनबाट पीडितहरुका लागि बेफाइदाजनक मानिन्छ । सुख्खा मेवा, केरा र सुन्तला पनि माइग्रेन रोगीहरुका लागि हानिकारक हुन्छ ।

नुन: यस्ताे अवस्थामा धेरै नुन, अचार र खुर्सानी खादाँ माइग्रेनको दुखाई बढ्छ र असह्य पीडा हुन्छ । भने फास्ट फुडहरुले झन दुखाई बढाउँछ ।

चिया वा कफि: चिया वा कफि सेवन गर्ने मानिसमा क्याफिनको मात्रा बढ्दै जान्छ र यसले दिमागको नसाहरुमा रुकावट गर्छ जसले गर्दा रक्तसञ्जार ढिलो हुन जान्छ जुन माइग्रेनको कारण बन्न सक्छ ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्