लाेकपाटी न्यूजकाठमाडौं, १५ वैशाख । नेपाली चलचित्र जगतका चर्चित अभिनेता अनुप बिक्रम शाही अभिनित फिल्म ‘कप्स’को ट्रेलर सार्वजनिक भएको छ। यस अघि पोस्टर र गीत सार्वजनिक भइसकेको उक्त फिल्मको निर्माण टिमले अब भने प्रचार–प्रचार स्वरुप ट्रेलर सार्वजनिक गरेको हो।
फिल्ममा अनुप डिएसपी अमन सिंहको भूमिकामा देखा परेका छन् । सम्राट सापकोटाको निर्देशन, राम शाक्यले लगानी गरेको फिल्मको ट्रेलरमा अनुपबिक्रमलाई थुप्रै स्पेस दिइएको छ । यसै फिल्मबाट नव नायिका संदिपा लिम्बुले डेब्यु पनि गर्दै छिन्।
फिल्ममा अनुप र संदिपाका साथमा मित गिरी, रामराज क्षेत्री, अनुपमा भण्डारी, नीरुता स्यान्ग्तान, सुन्दर श्रेष्ठलगायतका कलाकारको पनि अभिनय रहेको छ। फिल्म यही जेठ १७ गतेबाट देशभर प्रदर्शनमा आउँदैछ।
