संसदमा नीति तथा कार्यक्रम आज : घोषणापत्रका प्रतिवद्धता सम्बोधन होलान् ?

1
लाेकपाटी न्यूज

काठमाडौं, २० वैशाख। आज शुक्रबार सरकारले आफ्नो नीति तथा कार्यक्रम प्रस्तुत गर्ने भएको छ। संघीय संसद भवन नयाँ बानेश्वरमा राष्ट्रपति विद्यादेवी भण्डारीले अपरान्ह ४ बजे सरकारको तर्फबाट उक्त कार्यक्रम प्रस्तुत गर्ने छिन्।

बैठकमा प्रतिनिधिसभा र राष्ट्रियसभाका नै सांसदहरु उपस्थित रहने छन्। संघीय संसदका सभामुख कृष्णबहादुर महराले बैठक सञ्चालन गर्ने छ। नीति तथा कार्यक्रमका आधारमा नै सरकारले आर्थिक वर्ष २०७६-०७७ को बजेट प्रस्तुत गर्ने छ। संविधानले नै जेठ १५ गते वजेट प्रस्तुत गर्नुपर्ने वाध्यकारी व्यवस्था गरेपछि केही वर्षदेखि यही दिन वजेट प्रस्तुत हुँदै आएको छ।

नेपाल कम्युनिस्ट पार्टी (नेकपा) ले आफ्नो सरकार बनेपछि जनताको पक्षमा काम गर्छौ भन्दै आएपनि त्यो अनुसार काम नभएपछि जनतामात्र होइन सर्वसाधारणले पनि सरकारको आलोचना गर्दै आएका छन्। तर सरकारले आउँदो वजेटमा भने जनताको मन छुने योजनाहरु समेटिएको दावी गरेको छ।

विगतमा सरकारको नीति तथा कार्यक्रम आउनुअघि प्रि–वजेट छलफल गरिने परम्परा रहँदै आएकोमा यसपालि भने त्यो नहुने भएको छ। तर सरकारले भने प्रि–वजेट छलफल नीति तथा कार्यक्रम पछि पनि हुने दावी गर्दै आएको छ। नेपालसमाचार पत्रमा खबर छ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्