काठमाडौं, २३ वैशाख। सरकारले प्रतिबन्ध लगाएको नेत्रविक्रम चन्द नेकपाका गोरखा जिल्ला इन्चार्ज र सेक्रेटरी पक्राउ परेका छन्।
विप्लव नेतृत्वको नेकपाका जिल्ला इन्चार्ज योगेन्द्र कुमाल र सेक्रेटरी कपिल भट्टलाई प्रहरीले आइतबार साँझ पक्राउ गरेको हो। पालुङटार नगरपालिका वडा नं ७ खोलाघाटबाट उनीहरूलाई पक्राउ गरिएको गोरखा जिल्ला प्रहरी कार्यालयका एसपी भोला रावलले जानकारी दिए।
उनीहरूका साथबाट ४ वटा झोला बरामद गरिएको प्रहरीले जनाएको छ। पक्राउ गर्ने क्रममा प्रहरी र सेक्रेटरी भट्टबीच केहीबेर धकेलाधकेल हुँदा दुवै जना घाइते भएको प्रहरीले जनाएको छ। अहिले उनीहरूलाई गोरखा जिल्ला प्रहरी कार्यालयकै नियन्त्रणमा राखिएको छ।