लाेकपाटी न्यूजएजेन्सी। राजस्थान राज्यको जोधपुर जिल्लाको प्रिथभिपुरा क्षेत्रमा घरको छाना खस्दा तीन जनाको मृत्यु भएको छ। निर्माणाधीन एक भवनको छाना खस्दा सोमबार कम्तीमा तीन व्यक्तिको मृत्यु हुनको साथै एकजना घाइते भएका हुन्।
स्थानीय समयाअनुसार सोमबार राति ११ बजे उक्त घरको छाना खसेको थियो। सो घरभित्र चार व्यक्ति बसिरहेका थिए। उनीहरुलाई खसेको छानाले थिचेपछि सो घटना भएको हो। सो घटनामा घाइते भएका व्यक्तिहरुलाई तत्काल अस्पताल लगिएको प्रहरीले जनाएको छ।
घाइतेमध्ये तीन जनाको तत्काल मृत्यु भएको र एकको अस्पतालमा उपचार भइरहेको जोधपुर जिल्ला प्रमुख प्रकाश राजपुरोहितले एएनआइलाई बताएका छन्। यस घटनाको अनुसन्धान जारी रहेको राजपुरोहितले बताएका छन्।
