कृष्ण सेन ‘इच्छुक’को सम्झनामा दीप प्रज्वलन

लाेकपाटी न्यूज

भरतपुर, १३ जेठ । साहित्यकार तथा वरिष्ठ पत्रकार कृष्ण सेन इच्छुकको १७ औं स्मृति दिवसको अवसरमा साेमबार साँझ भरतपुरमा दीप प्रज्वलन गरिएको छ । प्रेस संगठन चितवनद्वारा भरतपुरको चौविसकोठीमा आयोजित दिप प्रज्वलन कार्यक्रममा पत्रकार, राजनीतिक दलका नेता, कार्यकर्ता तथा सर्वसाधारणले महान शहिद कृष्ण सेन इच्छुुकको योगदानको चर्चा गर्दै दीप प्रज्वलन गरेर स्मरण गरे ।

१७ औं स्मृति दिवसको अवसरमा आयोजित दीप प्रज्वलन कार्यक्रममा दीप प्रज्वलन गर्दै नेपाल कम्युनिष्ट पार्टी (नेकपा) का ३ नम्बर प्रदेश सदस्य तथा प्रदेश नम्बर तीनका सांसद घनश्याम दाहाल (अविनाश) ले स्वर्गीय सेनले नेपाली समाजको रुपान्तरणको आन्दोलनमा पत्रकारीता र साहित्यमार्फत महत्वपूर्ण योगदान दिएर गएको भन्दै उनले देखाएका आदर्शलाई अनुशरण गर्दा मात्र सेनको सच्चा स्मरण हुने बताए ।

कार्यक्रममा नेपाल कम्युनिष्ट पार्टी (नेकपा)का चितवन जिल्ला अध्यक्ष यमबहादुर परियार (इन्द्रजित) ले स्वर्गीय सेनलाई तत्कालिन शासकले गिरफ्तार गरी चरम यातना दिएर पासविक हत्या हत्या गरेको प्रसङ्ग उल्लेख गर्दै उनले नेपाली समाजलाई छोडेर गएको योगदान अनुकरणीय रहेको बताउँदै शहिद सेनप्रति श्रद्धाञ्जली अर्पण गरे।

कार्यक्रममा प्रेस संगठन नेपालका सदस्य सुरेशचन्द्र अधिकारी, शालिकराम नेपाल, शिशिर सिंखडा, पत्रकार महासंघका केन्द्रीय सदस्यहरु कृष्ण गिरी, सिर्जना अर्याल, नेपाल पत्रकार महासंघका प्रदेश कमिटिका सदस्यहरु प्रविण बराल, रामकान्त पौडेल, कोमलचन्द्र भगत, नेपाल पत्रकार महासंघ चितवनका उपाध्यक्ष नारायण अधिकारी, शान्ता अधिकारी, प्रेस युनियन चितवनका अध्यक्ष अनिल ढकाल र पत्रकार तथा सर्वसाधारणको सहभागिता रहेको थियो ।

पत्रकार तथा कवि कृष्णसेन इच्छुकको २०५९ साल जेठ १३ गते काठमाडौंको महेन्द्र पुलिस क्लवमा चरम यातना दिएर पासविक हत्या तत्कालिन सरकारले गरेको थियो । कार्यक्रम प्रेस संगठन चितवनका नेता प्रकाशमणि ज्ञवालीको अध्यक्षतामा सम्पन्न भएको थियाेे।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्