पत्रकार पुडासैनीकाे भिडियाे बाहिरियाे, आत्महत्या प्रकरण थप रहस्यमय !

भिडियाेमा बाेल्दै गरेका पत्रकार पुडासैनी
लाेकपाटी न्यूज
0 Shares

काठमाडाैं । पत्रकार शालिकराम पुडासैनीले आत्महत्या गर्नुअघि खिचेको भिडियो सार्वजनिक भएसँगै उनको मृत्युको विषय थप रहस्यमय र गम्भिर मोडमा पुगेको छ ।

पत्रकार पुडासैनी स्वयंले आत्महत्या गर्नुअघि खिचिएको भिडियो उनकै परिवारले सार्वजनिक गरेका हुन् । उक्त भिडियोमा पुडासैनी रुँदै बोलिरहेका छन् । भिडियाेमा पुडासैनीले रवि लामिछाने र युवराज कँडेलले पछिल्लो पटक धेरै यातना दिएको भनेका छन्।

उनले भिडियोमा विज्ञापन एजेन्सीमार्फत् बालुवा ठेकेदार, सिमेन्टलगायत ठूला कम्पनी र घरानाबाट करोडौं कमाउने गरेको पनि उल्लेख गरेका छन्। उनले पत्रकार रवी लामिछानेमाथि विभिन्न आरोप लगाउँदै अडियोमा भनेका छन्, ‘रवि दाइ, मलाई मर्न बाध्य बनाएकोमा तपाईंहरूलाई पाप लाग्छ ।’

उनले थप भनेका छन्, ‘केही दीनदुःखीको उद्धार पनि गर्नुभयो, तर अरुको प्रगति देख्न सक्नुभएन । दुनियाँलाई थर्काउनुभयो, ढिलोचाँडो दुनियाँले तपाईंको असली रुप देख्नेछ । मसँग प्रमाण छ, आज नभए पनि भोलि तपाईंको पापको घडा भरिन्छ ।’

भिडियोमा उनले आफ्नो पारिवारिक विषयमा पनि कुरा गरेका छन् । उनले आफ्नो श्रीमतीलाई भनेका छन्, ‘सम्झना, तिमी भर्खर २२–२३ वर्षकी भयौ, अर्को बिहे गर।मलाई माफ गरिदेऊ।’

उनले न्युज २४ छोड्छु भन्दा रवि र दीपकले डिपेन्डेण्ट भिसामा अष्ट्रेलिया पठाइदिने आश्वासन दिएकाे विषयमा पनि खुलाएका छन् । साथमा उनले काम धेरै लगाएकाे, तलव बढाइदिने भनेर नबढाइदिएकाे लगायतका कुराहरु समेत खुलाएका छन्।

नुवाकोट बेलकोटगढी–३ मा स्थायी घर भएका पत्रकार पुडासैनी केही दिन अघि चितवनको एक होटेलमा झुण्डिएर आत्महत्या गरेको अवस्थामा भेटिएका थिए । पत्रकार पुडासैनीले भिडियोमा रवि लामिछानेमाथि विभिन्न आरोप लगाए पनि लामिछानेले भने साे कुराकाे अस्वीकार गरिरहेका छन्।

आत्महत्या गर्नुअघि पत्रकार पुडासैनीले रेकर्ड गरेकाे भिडियाे नेपाल आजले बुधबार आफ्नाे युट्युवमा सार्वजनिक गरेकाे हाे।

भिडियाे पनि हेर्नुहाेस्ः

प्रतिक्रिया दिनको लागि यहाँ क्लिक गर्नुहोस्

Notice: Undefined variable: aria_req in /home/blogging/lokpati/wp-content/themes/patrik/comments.php on line 29

Notice: Undefined variable: aria_req in /home/blogging/lokpati/wp-content/themes/patrik/comments.php on line 34

तपाईंको प्रतिक्रिया यहां लेख्नुहोस्