२ सय ३० यात्रु बाेकेकाे विमान मकैबारीमा आकस्मिक अवतरण

लाेकपाटी न्यूज

मस्काे। रुसी राजधानी मस्को नजिकको एक विमानस्थलबाट बिहीबार उडेको यात्रुबाहक विमान मकै बारीमा आकस्मिक अवतरण गरेको छ।

यात्रु र चालक दलका सदस्य गरी दुई सय ३० भन्दा बढी व्यक्ति बोकेर उडेको जहाजमा उडेको एकैछिनमा चरा ठोक्किन पुगेको थियो। चरा ठोक्किएपछि असन्तुलित बनेको जहाजलाई चालकले मकैबारीमा सुरक्षित अवतरण गराएका थिए।

सो विमान मस्को शहरको झुकोप्स्की विमास्थलबाट बिहीबार बिहान उडेको थियो। क्राइमियाका लागि उडेको सो विमान विमानस्थलबाट एक किलोमिटर मात्र पर पुगेका बेला यसमा चरा ठोकिएको थियो।