अमेरिकी एनजिओमाथि कडाइ

America Currency-1
लाेकपाटी न्यूज

एजेन्सी। चीनले अमेरिकी राष्ट्रपति डोनाल्ड ट्रम्पले हंगकंगमा मानवअधिकार तथा लोकतन्त्रसम्बन्धी ऐनमा हस्ताक्षर गरेको जवाफस्वरुप अमेरिकी गैरसरकारी संस्था (एनजिओ) हरुमाथि कडाइ गर्ने र सैन्य जहाजहरुको हंगकंग यात्राको अनुमति नदिने भएको छ।

ट्रम्पले हंगकंगमा मानवअधिकार उल्लंघन गर्ने अधिकारीहरुमाथि प्रतिबन्ध लगाउने कानुनमा हस्ताक्षर गरेको एक हप्तापछि चीनले यो अमेरिकी एनजिओहरु र सैन्य जहाजहरुमाथिको कदम लिएको हो।

साउथ चाइना मर्निंग पाेष्टका अनुसार, चीनको विदेश मन्त्रालयकी प्रवक्ता हुवा चुनयिङले अमेरिकी सैन्य जहाजहरुसम्बन्धी अनुरोधलाई वेइजिङले तत्काल रोकेको बताएकी छन्। ट्रम्पले सो कानुनमा हस्ताक्षर गरेकै कारण चीनले सो कदम चाल्नुपरेको उनले बताएकी छन्।

हुवाले ‘हंगकंगमा हिंसात्मक गतिबिधिमा सहयोग गर्ने’ ह्युमन राइट्स वाच लगायतका केही एनजिओहरु माथि चीनले प्रतिबन्ध लगाएको बताइन्। ट्रम्पले सो कानुन अनुमोदन गरेलगत्तै चीनले त्यसको कडा जवाफ दिने भनि तत्काल प्रतिक्रिया जनाएको थियो।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्