काठमाडौं, २६ मंसिर। बिहीबार साँझ सिन्धुपाल्चोक केन्द्र बनाएर भूकम्प गएको छ। ७ बजेर ११ मिनेटमा गएको भूकम्पको धक्का ४.८ रेक्टर स्केल मापन गरिएको छ ।
भूकम्पको धक्का छिमेकी जिल्ला काभ्रे, काठमाडौं, भक्तपुर र ललितपुरमा पनि महशुस भएको छ। भूकम्पको धक्का महशुस भएपछि मानिसहरु घर बाहिर निस्किएका थिए ।
राष्ट्रिय भूकम्प मापन केन्द्रले यो भूकम्प २०७२ साल बैशाखमा गएको भूकम्पको परकम्प भएको जनाएको छ।