लाेकपाटी न्यूजएजेन्सी। सलमान खानका भाइ एवं नायक सोहेल खानले हालै आफ्नो जन्मदिन मनाएका छन्। नायकले मुम्बईमा रहेको आफ्नो घरमा जन्मदिनको पार्टी राखे। उक्त पार्टीमा उनका परिवारका सदस्यका साथै फिल्म इन्डष्ट्रिका केही हस्तीको पनि उपस्थित भयो।
नेहा धुपिया, अंगद बेदी, हिमेश रशेमिया, रितेश देशमुख, जेनेलिया डिसूजा, सनी लियोनी, डेनियल बेवर, कपिल शर्मा, सुनिल ग्रोवरसहित केही विशेष व्यक्ति सोहेल खानको जन्मदिनको पार्टीमा उपस्थिती रह्यो। सोहेल खानको जन्मदिनको पार्टीमा समावेश हुन पुगेका हास्यकलाकार कपिल शर्माले आफ्नो इन्स्टाग्राम अकाउन्टमा एउटा तस्बिर सेयर गरेका छन्।
यो तस्बिरमा उनी सलमान खान र सुनिल ग्रोवरसँग देखिएका छन्। सलमान खान यतिबेला आफ्नो फिल्म दबंग थ्रीकी को–स्टार सोनाक्षी सिन्हा र सई मांजरेकरसँग फिल्मको सफलता मनाइरहेका छन्।
सुनिल ग्रोवर हालै सलमान खानको रियालिटी शोमा पुगेका थिए। यस्तै, कपिल शर्मा आफ्नो च्याट शोको सुटिङमा व्यस्त छन्।
https://www.instagram.com/p/B6WCn6CAJyq/?utm_source=ig_embed
