लाेकपाटी न्यूजकाठमाडौं। स्वदेश फर्कन लागेका दुई बेलारुसी नागरिकको साथबाट प्रहरीले ६ केजी लागु औषध कोकिन बरामद गरेको छ।
२१ वर्षीय पावेल भासिलेउ र सोहि उमेरकी एलिना एलडोसियानाले बोकेको सुटकेशबाट तीन तीन केजी कोकिन बरामद भएको प्रहरीको लागु औषध नियन्त्रण ब्युरोले जनाएको छ। भासिलेउ र एलडोसियाना क्याथे प्यासिफिकको उडानबाट हङकङ जान लागेका थिए।
पक्राउ परेका दुवै जनाले उक्त कोकिन लाजिम्पाटको एक होटलमा दुई जना बोलिभियन नागरिकले दिएको बताएपछि प्रहरीले उनिहरुलाई साथमा लिएर त्यसतर्फ लागेको थियो।
होटलमा बसिरहेका रोबर्टो कार्लोस मेरुबिया मेरिएस र राहुल जामब्राना ओर्डोनेजलाई पनि प्रहरीले पक्राउ गरेको थियो। घटनाबारे थप अनुसन्धान भइरहेको प्रहरीले जनाएको छ।
