लाेकपाटी न्यूजचितपन, १० पुस। पूर्वप्रधानमन्त्री एवं नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले वातावरणको संरक्षणमा लाग्न सबैलाई आव्हन गरेका छन्। चितवनको सौराहामा अन्तरदेशीय भू–परिधि संरक्षण कार्यक्रमको आज उद्घाटन गर्दै संरक्षणका क्षेत्रमा आफू अघि बढ्न प्रतिबद्ध रहेको बताएका हुन्।
अध्यक्ष प्रचण्डले विश्वमा बढ्दै गएको जलवायु परिवर्तनलाई रोक्न विश्वसमुदाय एक हुनुपर्नेमा जोड दिए। अन्तर्राष्ट्रिय संस्था आइसीआइएमओडीको आयोजनामा शुरु भएको कार्यक्रम दुई दिनसम्म चल्नेछ। कार्यक्रममा हिमालय क्षेत्रका आठ देशका ५५ भूपरिधि संरक्षण विज्ञ सहभागी भएका हुन्। कार्यक्रममा नेपालमा संरक्षण क्षेत्रमा भएको प्रगति र विश्वमा भइरहेका गतिविधिका बारेमा छलफल हुने आयोजकले जनाएको छ । रासस
