लाेकपाटी न्यूजएजेन्सी। सलमान खानसँग ‘सलाम ए इश्क’ मा अभिनय गरेका भारतीय टिभी जगतका चर्चित नायक कुशल पंजाबीले ३७ वर्षमा आत्महत्या गरेका छन्। बिहिबार राती पंखामा झुण्डिएर आत्महत्या गरेका हुन्।
मुम्बई पुलिसले उनले आत्महत्या गरेको पुष्टि गरेको छ। उनलाई भाभा अस्पताल पुर्याइएको थियो जहाँ डाक्टरले उनलाई मृत घोषित गरेका थिए। पुलिसले कुशलको घरबाट सुसाइड नोट पनि पाएको छ। पुलिसका अनुसार कुशलले साढे एक पानाको नोटमा उनको मृत्युको लागि कसैलाई जिम्मेवार नदेखाउन आग्रह गरेका छन् ।
पुलिसका अनुसार उक्त सुसाइड नोटमा लेखिएको छ, ‘मेरो सम्पत्तिको ५० प्रतिशत हिस्सा मेरा आमाबुवा र बहिनीलाई बराबर बाँडियोस् जबकी बाँकी भएको ५० प्रतिशत मेरा तीन वर्षका छोरालाई दिइयोस्।’ कुशलले सन् २०१५ मा अड्री डलेनसँग विवाह गरेका थिए।
