लाेकपाटी न्यूजकाठमाडौं। नेपाली सांगीतिक क्षेत्रमा स्थापित र चर्चित नाम हो भगवान भण्डारी। चर्चित लोक गायक भण्डारीका दर्जनौं सुपर हिट गीतहरू छन्। उनै ख्यातिप्राप्त गायक तथा सर्जक भगवान भण्डारीको नयाँ गीत ‘स्कूल पढ्दा’ सार्वजनिक भएको छ। उक्त गीत गायक भगवान भण्डारीको आफ्नै युटुयुब च्यानलमार्फत् सार्वजनिक गरिएको हो।
बाल्यकालमा स्कूल अध्ययनको परिवेशमा गरिएको मायाको भावलाई पूनर्जीवन गर्दै सोही भाव गीतमा प्रस्तुत गरिएको छ। ‘स्कूल पढ्दा पैले’ मा गायक भगवान भण्डारीको लय शव्द रहेको गीतमा,गायक भण्डारी, गायिका देवि घर्ति मगर र नवगायक रेशम निर्दोषको स्वर रहेको छ।
गीतमा गायक भण्डारी, सृजना घिमिरे, बाल कलाकार असिम बराल र कुशुम परियारको अभिनय रहेको छ।माधव भण्डारीको संगीत संयोजन रहेको गीतको भिडियोमा प्रकाश भट्टले निर्देशन गरेका छन्। म्यूजिक भिडियो राजेश घिमिरेले छायाङ्कन गरेका हुन् भने अडियो मिक्सिङ्ग कुमार रानाले गरेका हुन्। सिर्जनात्मक तथा आवाजको माध्यमबाट नेपाली लोक संगीतको क्षेत्रमा निकै योगदान पुर्याएका भण्डारी हाल अमेरिकामा रहेका छन्।
