लाेकपाटी न्यूजकाठमाडौं, १५ पुस। सोह्रखुट्टेमा पानी बोक्ने ट्यांकरले छ वटा गाडीलाई ठक्कर दिएको छ। ब्रेक फेल भएको एक ट्यांकरले छ वटा गाडीलाई मंगलबार बिहान गोल्फुटारबाट आइरहेको बा ३ ख ९४५० नम्बरको पानीले भरिएको ट्यांकर ओह्रालोमा ब्रेक फेल भएपछि पाँच गाडी र एक मोटरसाइकललाई ठक्कर दिएको हो।
गाडीलाई ठोक्दै गुडेको ट्यांकरपछि वीरबहादुर तामाङ र विषयजंग गुरूङको घरमा ठोक्किएको थियो। ट्यांकर ठोक्किएको घरमा सामान्य क्षति भएको छ। ट्यांकरले चार वटा कार, एक बस र एक मोटरसाइकललाई ठक्कर दिएको हो।
मोटरसाइकल चालकलाई सामान्य चोट लागेको महानगरीय प्रहरी वृत्त सोह्रखुट्टे असई बसन्त थापाले जानकारी दिए। ट्यांकर चालक फरार रहेकाले उनको खोजी भइरहेको छ।
