विश्वमा आस्तिक र नास्तिकको जनसंख्या कति छ ?

0

काठमाडौँ। एकातिर संसारको दुई तिहाई आवादी कुनै न कुनै ईश्वरमा विश्वास गर्दछ भने यही बाँकी रहेकाहरु स्वयंलाई अधार्मिक वा नाकिस्तक मान्दछन्। गैलप इन्टरनेशनलको सर्भेमा संलग्न ६५ देशमध्ये कुन देशमा छन् सबैभन्दा बढी नास्तिक ?

चीनमा ९० प्रतिशत। चिनियाँ मान्यताअनुसार मानिस र भगवानबीच श्रद्धाको कुनै सिद्धान्त छैन। उनीहरुमा आफ्नै महान पूर्वजहरुको शिक्षालाई अनुशरण गर्नेहरु नै तोओइज्म वा कन्फुशियनिज्मको परम्परा छ। गैलपको सर्भेमा करिब ६१ प्रतिशत चिनियाँले कुनै पनि ईश्वरको अस्तित्व स्वीकार गरेनन्। २९ प्रतिशतले भने आफूलाई नास्तिक बताए।

स्वीडेनमा ७६ प्रतिशत। स्वीडेनमा वर्षौदेखि सेकुलरिज्म तिब्रताका साथ बढिरहेको छ। स्वीडेन सरकारको तथ्याङ्कअनुसार मात्र ८ प्रतिशत स्वीडिस नागरिक कुनै धार्मिक संस्थासँग नियमित सम्पर्कमा रहन्छन्। त्यसैले ३१ अक्टोबर २०१६ लाई प्रोटेस्टेन्ट रिफर्मेशनको ५००औं वर्षगाँठ मनाउनका लागि पोप फ्रान्सिसले स्वीडेन चुनेका हुन सक्छन्।

चेक गणराज्यमा ७५ प्रतिशत। करिब ३० प्रतिशत चेक नागरिक आफूलाई नास्तिम मान्दछन्। यही चेकका सबैभन्दा बढी मानिसले आफ्नो धार्मिक मान्यताका बारेमा कुनै पनि उत्तर दिन अस्वीकार गरे। कुल आवादीको केवल १२ प्रतिशत मात्रै क्याथोलिक वा प्रोटेस्टेन्ट चर्चसँग जोडिएका छन्।

बेलायतमा ६६ प्रतिशत। करिब ५३ प्रतिशत ब्रिटिश नागरिकलाई आफूलाई धार्मिक बताए। करिब १३ प्रतिशत यस्ता थिए जो आफूलाई नास्तिक मान्दथे। पश्चिमी युरोपमा युकेपछि नेदरल्याण्ड्स नास्तिकतामा सबैभन्दा अगाडि छ। अप्रिल २०१५ मा यो नतिजामा पुग्नका लागि गैलपले ६५ देशमा कुल ६४ हजार जनासँग इन्टरभ्यू लिएको थियो।

हङकङमा ६२ प्रतिशत नास्तिक। पूर्व ब्रिटिश कोलनी भए पनि अहिले चीनले फिर्ता लिएको हङकङका अधिकांश नागरिकमा चिनियाँ असर देखिन्छ। बाँकी कतिपय इसाई, प्रोटेस्टेन्ट वा बौद्ध धर्म मान्नेहरु छन्। गैलपको सर्बेमा करिब ४३ प्रतिशत हङकङबासीले आफूहरुले कुनै न कुनै ईश्वर मान्ने गरेको बताए।

जापानमा ६२ प्रतिशत। चीनमा जस्तै जापानी नागरिकहरु पनि कुनै न कुनै ईश्वरको सट्टा स्थानीय शिन्तो धर्मको अनुसरण गर्दछन् । शिन्तोइज्म मान्नेहरु ईश्वरजस्तो कुनै दिव्य सिद्धान्तमा विश्वास गर्दैनन्। गैलपको तथ्याङ्कमा करिब ३१ प्रतिशत जापानी नागरिकले आफूलाई नास्तिक बताएका छन्।

जर्मनीमा ५९ प्रतिशत। मूख्य रुपमा इसाई धर्मा मान्ने जर्मन समाजमा इस्लामसमेत कयौ धर्म प्रचलित छ। तर ५९ प्रतिशत कुनै पनि ईश्वर मान्दैनन्। अस्ट्रियामा पनि कुनै ईश्वर नमान्नेहरुको संख्या ठुलो छ। पश्चिमी धर्मनिरपेक्षताको गढ मानिने फ्रान्सको आधा आवादीले स्वयंलाई नास्तिक बताए। – एजेन्सी

Comments
Loading...
You might also like