कस्तुरीको बीनासहित दुई पक्राउ

APF
  • 84
    Shares

सिरहा, ६ कात्तिक। कस्तुरीको बीनासहित दुई भारतीय नागरिक पक्राउ परेका छन्। सशस्त्र प्रहरीको टोलीले सीमावर्ती क्षेत्र सिरहाको बरियारपट्टीबाट दुई भारतीय नागरिकलाई पक्राउ गरेको हो।

नेपालबाट भारतर्फ मङ्गलबार साँझ जाँदै गरेको बीआर३२ वाई २६९५ नं. को स्कुटीलाई शङ्का लागेर जाँच गर्दा कस्तुरीको बीना बरामद भएपछि सशस्त्र प्रहरी बोर्डर आउट पोष्ट बरियारपट्टीको टोलीले मोटरसाइकलमा सवार भारतको मधुवनी जिल्लाको पथरी निवासी २८ वर्षीय ओमकुमार ओम र २७ वर्षीय सत्यमकुमार सिंहलाई पक्राउ गरेको हो।

जाँच गरेपछि कस्तुरीको बीना बरामद भएकाले दुबैलाई पक्राउ गरिएको सशस्त्र प्रहरी बल नेपाल गण सिरहाका प्रमूख प्रवीण कँडेलले जानकारी दिए। बरामद बीनासहित पक्राउ परेका दुबैलाई थप अनुसन्धानका लागि डिभिजन वन कार्यालय लहानमा बुझाइएको उनले बताए।