लाेकपाटी न्यूजकाठमाडौं। नेपाल भ्रमण वर्ष २०२० को भव्य उद्घाटन समारोह त्रिपुरेश्वरस्थित दशरथ रङ्गशालामा सुरू भएको छ। अङ्ग्रेजी नयाँ वर्षको अवसर पारेर भ्रमण वर्षको औपचारिक उद्घाटन गर्न लागिएको हो।
उक्त विशेष समारोह मार्फत राष्ट्रपति विद्यादेवी भण्डारीले नेपाल भ्रमण वर्ष २०२० को औपचारिक शुभारम्भ गर्ने कार्यक्रम छ। उद्घाटन समारोहलाई प्रधानमन्त्री केपी शर्मा ओलीले विशेष सम्बोधन गर्नेछन् ।
दशरथ रङ्गशालामा सुरू भएको उद्घाटन समारोहका काठमाडौं उपत्यका वरपरका महानगरपालिका, उपमहानगरपालिका र नगरपालिकाहरूले विशेष झाँकीको प्रदर्शन गर्दै कार्यक्रमस्थल प्रवेश गरेका छन्।
उद्घाटन समारोहमा नेपालमा विशिष्ट पदाधिकारीहरूसँगै नेपालस्थित विदेशी राजदूत र दुतावासका अधिकारीहरू लगायत विदेशी पाहुनाको पनि उपस्थिति रहेको छ।
