लाेकपाटी न्यूजकाठमाडौं, १८ पुस । चरी समूहका गुण्डा राते भन्ने सुजन श्रेष्ठ पक्राउ परेका छन्। प्रहरीले ज्यान मार्ने मुद्दाका फरार आरोपित श्रेष्ठलाई पक्राउ गरेको हो।
धादिङ त्रिपुरासुन्दरी गाउँपालिका ५ घर भई नयाँबजार बस्दै आएका श्रेष्ठलाई बिहीबार राती १० बजे ठमेलबाट महानगरीय अपराध महाशाखाको विशेष टोलीले पक्राउ गरेको हो। ०७५ चैत १८ गते ठमेलस्थित एलओडी क्लब अगाडि रेम्बो भन्ने अजय गुरुङ र रातेले काठमाडौं महानगरपालिका २६ ठमेलमा बस्दै आएका विष्णु कठायतमाथि आक्रमण गरेका थिए। अजय भने फरार रहेका छन्।
’कठायतलाई पछाडिबाट रडले टाउकोमा हानेर उनीहरु फरार भएका थिए,’ महाशाखाका एसएसपी सहकुल थापाले भने, ’फरार अजयको प्रहरीले खोजीकार्य जारी राखेको छ।’ पक्राउ परेका रातेलाई थप अनुसन्धानको लागि महानगरीय प्रहरी वृत्त लैनचौर पठाइएको महाशाखाले जनाएको छ।
