लाेकपाटी न्यूजकाठमाडौं : पश्चिमी वायुको प्रभावका कारण शनिबार पनि देशभरमा मौसम बदली रहने जनाइएको छ। मौसम पूर्वानुमान महाशाखाका अनुसार अधिकांश स्थानमा दिउँसो र साँझसम्म पानी पर्नेछ।
अहिले पनि देशका अधिकांश स्थानमा पानी परिरहेको छ। पश्चिमका केही स्थानमा वर्षासँगै उच्च पहाडी र हिमाली क्षेत्रमा हिमपात भइरहेको छ। काठमाडौं उपत्यकासहित मध्य क्षेत्रका केही स्थानमा हल्का पानी परिरहेको महाशाखाकी मौसमविद् प्रतिभा मानन्धरले जानकारी दिइन्।
वर्षा र हिमपातका कारण अत्यधिक चिसो बढेकाले सर्तकता अपनाउन महाशाखाले आग्रह गरेको छ। पश्चिमी वायुको असरका कारण आइतबारसम्मै मौसम बदली हुने महाशाखाले जनाएको छ। आइबार साँझदेखि मौसममा क्रमिक सुधार हुने मौसमविद मानन्धरले बताइन्।
