लाेकपाटी न्यूजकाठमाडौं। रुसी युद्धक पानी जहाजले उत्तरी अरेबियन समुद्रमा बिहीबार अमेरिकी पानीजहाजलाई ठक्कर दिने प्रयास गरेको छ। अमेरिकी समुन्द्र सेनाको पानीजहाजलाई रुसी युद्धक पानीजहाजले केही समय पछ्याएको थियो। त्यसपछि ठक्कर दिन खाजेको थियो।
अमेरिकी नौसेनाका अनुसार चेतावनी बाबजुद रुसी युद्धक पानीजहाजले अमेरिकी जहाजलाई पछ्याएको थियो। यस घटनाको भिडियो पनि सार्वजनिक भएको छ। अमेरिकी अधिकारीहरुले रुसी पानीजहाजले अमेरिकी पानीजहाजमाथि बारम्बार यस्तो गतिविधि दोहोर्याएको आरोप लगाएको छ।
रुसको रक्षा मन्त्रालयले भने अमेरिकाले अन्तर्राष्ट्रिय नियम तोडेका कारण आफूले अमेरिकी नौसेनाको जहाजलाई चेतावनी दिन मात्र त्यस्तो कार्य गरेको प्रतिक्रिया जनाएको छ। यसअघि रुसी फाइटर जेटले अमेरिकी फाइटर जेटलाई आकाशमै पछ्याएको खबर पनि सार्वजनिक भएका थिए। बीबीसी
