लाेकपाटी न्यूजकाठमाडौं । चिनियाँहरुले एकै दिनमा हस्पिटल बनाएका छन् । चीनमा कोरोना भाइरसको संक्रमणले महामारीको रुप लिन थालेपछि बिरामीहरुको उपचारका लागि उक्त अस्पतालको निर्माण गरिएको हो ।
चिनियाँहरु काममा निकै मेहनती र लगनशील हुन्छन् भन्ने हालै उनीहरुले गरेको कामले पुष्टि भएको छ । एकै दिनमा अस्पताल निर्माण सम्पन्न गरेका छन् । बिहान थालिएको अस्पताल निर्माणको काम बेलुकासम्म निर्माण पूरा गरिएको थियो ।
चिनियाँ राष्ट्रपति सी चिनफिङ्ले कोरोना संक्रमितहरुको उपचारका लागी छुट्टै आपतकालीन अस्पताल निर्माण गर्न निर्देशन दिएका थिए । कोरोना रोगबाट संक्रमित भएका बिरामीहरुलाई चीनले उक्त आपतकालीन अस्पतालमा राखेर उपचार थालेको छ ।
पछिल्लो तथ्याङक अनुसार चीनमा कोरोनाको संक्रमणबाट १०६ जनाले ज्यान गुमाइसकेका छन् भने ४ हजार भन्दा बढी संक्रमित भएका छन् । चीनको वुहानबाट शुरु भएको कोरोना भाइरसको सङ्क्रमण नेपाल, अमेरिका, जापान, थाइल्याण्ड, फ्रान्समा लगायतमा पनि देखिएको छ ।
५० लाख बढी चिकित्सा कर्मचारी हुबेई प्रान्तमा फैलिएको कोरोना भाइरसको रोकथाम, नियन्त्रण र उपचारमा सक्रिय भएर लागेका छन् ।चिनियाँ सरकारले संक्रमण फैलिन नदिँन कारखानाहरु मास्क र सुरक्षात्मक कपडा बनाउनका लागि जुटेका छन्। भाइरसको प्रकोपलाई रोक्न चीनियाँ नयाँ वर्षको सार्वजनिक बिदा पनि तीन दिन पछाडि सारिएको छ । हुबेईको वुहान शहरमा र अन्य शहरमा यात्रा गर्न प्रतिबन्ध लगाइएको छ ।
