लोकपाटी न्यूजरौतहट। प्रहरी र भारतीय समूहबीच रौतहटमा गोली हानाहान भएको छ। मंगलबार राती साढे १२ बजे रौतहटको इशनाथ नगरपालिका १ बन्जराटोल नजिकैको बकैयानदी किनारमा भारतीय समूह र प्रहरीबीच गोली हानाहान भएको हो ।
गोली लागेर एकजना भारतीय नागरिक घाइते भएका छन्। भारतको मोतिहारी जिल्ला बारफरीद ग्राम पन्चायत ६ का २१ वर्षीय चाँदअली घाइते भएको जिल्ला प्रहरी कार्यालय रौतहटले जनाएको छ।
अपराधिक समूहले प्रहरीमाथि गोली चलाएपछि प्रहरीले जवाफीफायर गर्दा एकजना घाइते भएको बताइएको हो।
चाँद अलीको खुट्टामा गोली लागेको छ । प्रहरीले घटनास्थलबाट एउटा कटुवा पेस्तोल, एक राउण्ड गोली र एउटा गोलीको खोका बरामद गरेको छ ।रौतहट तथा भारतका विभिन्न स्थानमा अपराधिक गतिविधि गर्दै आएका चादअलीलाई पक्राउ गरिएको र अन्य दुईजना भारत तर्फ भागेको रौतहटका एसपी रजिराज खड्काले जानकारी दिए।
