लोकपाटी न्यूजएजेन्सी। ‘फास्ट एन्ड फ्यूरियस ९’ को ट्रेलर सार्वजनिक भएको छ। ट्रेलरमा पारिवारिक कनेक्शनमा ट्विस्टसहित कार रेसको विषयवस्तु समावेश गरिएको छ।
फिल्ममा डब्लूडब्लूका खेलाडी जोन सीना देखिँदैछन्। फास्ट एन्ठ फ्युरियस ९ मा एक्सन, ड्रामा र फेमिली ट्विस्टको विषयवस्तु छ। ’टोक्यो ड्रिफ्ट’, ’फास्ट ५’, ’फास्ट एन्ड फ्यूरियस ६’ जस्ता चलचित्र निर्देशन गरिसकेका जस्टिन लिले यो फिल्मलाई निर्देशन गरेका हुन्।
फिल्म आगामी २२ मे मा रिलिज हुँदैछ। र सोही दिन सलमान खान अभिनित बलिवुड फिल्म ‘राधे’ समेत रिलिज हुने भएको छ। दर्शकले फास्ट एन्ड फ्युरियस ९ लाई बढी रुचाउने देखिन्छ। यदी दुवै फिल्म एउटै मितिमा रिलिज भएमा हिन्दी फिल्म राधेलाई असर पर्न सक्छ।
ट्रेलरलाई दर्शकले निकै राम्रा प्रतिक्रिया दिइरहेका छन् । यसरी हेर्दा अघिल्लो सिरिज भन्दा ९ ले बढी दर्शकको मन जित्न सक्नेछ। फिल्मको छायाकन पछिल्लो वर्षको जुनमा सुरु भएको थियो। यस फिल्ममा विने डीजलका साथै मिशेल रोड्रिग्ज, जोरदाना ब्ररुस्टर, टाइरिस गिब्सन, लुडाक्रिस लगायत छन्।
