लोकपाटी न्यूजकाठमाडौं, २० माघ। ए डिभिजन लिग फुटबलमा जाउलाखेल विजयी भएको छ। जाउलाखेल युथ क्ललले विग्रेड ब्वाइज क्लबलाई पराजित गर्दै शहीद स्मारक ‘ए’ डिभिजन लिग फुटबल प्रतियोगितामा जीत हासिल गरेको हो।
ललितपुरको सातदोबाटोस्थित एन्फा (अखिल नेपाल फुटबल सङ्घ) कम्प्लेक्सको खेलमैदानमा सोमबार सम्पन्न पहिलो खेलमा जाउलाखेलले विग्रेड ब्वाइजलाई १–० गोलअन्तरले पराजित गर्दै जीत हात पारेको हो।
जाउलाखेलको जीतमा सुजित बुढाथोकी नायक बने। उनले खेलको पहिलो हाफको ३२ औं मिनेटमा गरेको १ गोल नै जाउलाखेलका लागि निर्णायक गोल साबित भयो। यस खेलसँगै १० खेल पूरा गरेको जाउलाखेलले १५ अङ्क बटुलेको छ। समान खेल खेलेको व्रिगेड ब्वाइजको भने ८ अङ्क छ।
