उपकार सेवा नेपालद्वारा सडक बालकालिका र असाहयलाई भोजन

  • 206
    Shares
0

काठमाडौं, २२ चैत। सरकारले जारी गरेको लकडाउनका कारण सडक बालबालिकाहरुको अवस्था नाजुक छ। लामो समयदेखि खान नपाएर उनीहरु भोकै बस्न बाध्य भएका छन्।

त्यस्ता सडक बालबालिका र अस्पतालमा रहेका बिरामी कुरुवाहरुलाई उपकार सेवा नेपालले निःशुल्क खाना खुवाउने सेवा सुरु गरेको छ। काठमाडौंको सडक र गल्लीहरुमा जीवन बिताउदै आएका सडक बालबालिका र अनाथहरुका लागि अहिले निक्कै कष्टकर समय छ।

पसल, होटल तथा रेष्टुरेण्टहरु पूर्ण रुपमा बन्द भएपछि सडक बालबालिकाहरुको गाँस टुटेको छ। बालबालिका र असाहयहरु काठमाडौंमा खान नपाएर भौतारिरहेका छन्।

यस्ता असहायहरुका लागि उपकार नेपाल शान्ति स्काउट र उपकार सेवा नेपाल नामक सामाजिक संस्थामार्फत् निःशुल्क भोजन गराउने अभियान जारी छ। दैनिक ६ सयदेखि ८ सय जनालाई खानाको व्यवस्था मिलाइएको उपकार सेवा नेपालका सदस्य राकेशकुमार अग्रवालले बताए। खानाखान पाएपछि सडक बालबालिका तथा असाहयहरुले खुसी व्यक्त गरेका छन्।

खानामा दालभात तरकारी र दिउँसो खाजामा पुरी तरकारी, पानी तथा मास्कसमेत निःशुल्क रुपमा वितरण गर्दै आएको छ। काठमाडौं, भक्तपुर ललितपुरका विभिन्न स्थानहरुमा केन्द्र बनाएर खाना पकाउने र प्याकिङ गर्दै ठाउँठाउँमा लगेर खुवाउने गरिएको नेपाल शान्ति स्काउटका तालिम आयुक्त सुधन मरासिनीले बताए। यसका लागि शान्ति स्काउटका सदस्यहरु सक्रिय भएर लागि परेका छन्।

Comments
Loading...
You might also like