एक हजारले घट्यो सुनको मूल्य, तोलाको कति ?

  • 25
    Shares
0

काठमाडौं, २४ पुस। बुधबार कीर्तिमानी मूल्य कायम गरेको सुन आज (बिहीबार) प्रतितोला एक हजार रुपैयाँ घटेको छ। सुनचाँदी व्यवसायी महासंघले बिहीबारको लागि छापावाल सुनको प्रतितोला मूल्य ७५ हजार ५ सय कायम गरेको छ।

तेजावी सुनको मूल्य पनि घटेको छ। बिहीबार नेपाली बजारमा तेजावी सुनको मूल्य ७५ हजार २ सय कायम गरेको छ। अन्तर्राष्ट्रिय बजार सुनको मूल्य घटेकाले नेपाली बजारमा पनि सुन सस्तिएको हो।

बुधबार १५ सय ८० अमेरिकी डलर प्रतिऔंस रहेको सुनको मूल्य बिहीबार १५ सय ५५ अमेरिकी डलरमा झरेको छ। यस्तै चाँदीको मूल्य पनि घटेको छ। हिजो ९ सय २० रुपैयाँ तोकिएको चाँदी आज प्रतितोला ९ सय कायम भएको छ।

Comments
Loading...
You might also like