१ हजार ७ सय ४१ कोरोना संक्रमित थपिए, कुन जिल्लामा कति ?

corona doctor
  • 25
    Shares
लाेकपाटी न्यूज

काठमाडौं, १० असोज। २४ घण्टामा देशभर १ हजार ७ सय ४१ जना कोरोना संक्रमित भेटिएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना संक्रमितको संख्या १ लाख ५९ हजार ८३० पुगेको छ।

प्रदेश १ को उदयपुरमा १, झापामा ५०, ताप्लेजुङमा १, मोरङमा १३,र सुनसरीमा १८५ जनामा कोरोना भेटिएको छ। प्रदेश २ को धनुषामा १२, बारामा ५, महोत्तरीमा १४, सप्तरीमा २९, र सिरहामा २ जनामा कोरोना पाइएको छ।

बागमती प्रदेशको काठमाडौंमा मात्र ६७३ जनामा कोरोना भेटिएको छ। काभ्रेमा ५९, चितवनमा २४, दोलखामा ७, धादिङमा २४, नुवाकोटमा ८, भक्तपुरमा ७६, मकवानपुरमा २९, रामेछापमा ४, ललितपुरमा १ सय ४६, सिन्धुपाल्चोकमा २ र सिन्धुलीमा ५जनामा कोरोना पुष्टि भएको छ।

गत २४ घण्टामा गरिएको परीक्षणमा गण्डकी प्रदेशको कास्कीमा १०१, गोरखामा १, तनहुँमा २५, नवलपरासी पूर्वमा ६०, पर्वतमा २, लमजुङमा ४, बागलुङमा १७ र स्याङजामा ३ जनामा कोरोना भेटिएको छ।

कोरोना पुष्टि हुनेमा प्रदेश ५ को अर्घाखाँचीका ३३, कपिलवस्तुका २२, गुल्मीका ६, दाङका ३, नवलपरासीका ७, पाल्पाका १, प्युठानका ४, बाँकेका १२, र रुपन्देहीका ५८जना छन्।

यस्तै, कर्णाली प्रदेशको दैलेखमा ५, जुम्लामा १ र रुकुम पश्चिममा जनामा कोरोना भेटिएको छ। सुदूरपश्चिम प्रदेशको अछाममा १, कञ्चनपुरमा १ र दार्चुलामा १ जनामा कोरोना भेटिएको मन्त्रालयले जनाएको छ।

कुल संक्रमितमध्ये ४३ हजार २९३ जना सक्रिय संक्रमित छन्। देशभर हाल २ हजार ९६९ जना क्वारेन्टाइनमा रहेको मन्त्रालयले जनाएको छ।

 

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्