कोरोना भाइरसबाट कहाँ कति संक्रमण ? कति मृत्यु ?

golobal corona
लोकपाटी न्यूज

एजेन्सी। चीनको वुहान शहरबाट गत वर्षको डिसेम्बरबाट शुरु भएको कोरोना भाइरसबाट हालसम्म १२ लाख ५० हजार ४९० व्यक्तिको मृत्यु भएको जोन्स हप्किङ विश्वविद्यायलले आइतबार जानकारी दिएको छ। गत डिसेम्बरमा शुरु भएको यस कोरोना भाइरसबाट हालसम्म ४ करोड ९८ लाख ३५ हजार ८४७ व्यक्ति संक्रमित भइसकेका छन्।

तीमध्ये ३ करोड ५५ लाख भन्दा बढी कोरोना मुक्त भएका छन्। संयुक्त राज्य अमेरिका सबैभन्दा बढी प्रभावित देश हो यहाँ कोरोना भाइरसबाट २ लाख ३७ हजार ११३ जनको मृत्यु भएको छ। अमोरिकामा ९८ लाख ६० हजार ९५८ व्यक्ति कोरोना भाइरस संक्रमित भएका छन्।

अमेरिकापछि ब्राजिलमा १ लाख ६२ हजार २६९ व्यक्तिको कोरोना भाइरसबाट मृत्यु भएको छ। यहाँ ५६ लाख ५३ हजार ५६१ कोरोना भाइरस संक्रमित रहेका छन्। भारतमा १ लाख २६ हजार १२१ जनाको कोरोना भाइरस संक्रमणको कारण मृत्यु भएको छ। यहाँ ८५ लाख ७ हजार ७५४ कोरोना भाइरस संक्रमित भएका छन्।

मेक्सिकोमा यस भाइरसका कारण ९४ हजार ८०८ जनाको मृत्यु भएको छ भने ९ लाख ६१ हजार १३८ जना संक्रमित भएका छन्। बेलायतमा ४८ हजार ९७८ जनाको मृत्यु भएको छ भने ११ लाख ७४ हजार ७७० जनाको कोरोना भाइरस संक्रमित भएका छन्। चीनमा कोरोना भाइरसबाट ९१ हजार भन्दा बढी व्यक्ति संक्रमित भए भने ४ हजार ७४१ जनाको यस भाइरसको कारण मृत्यु भएको थियो।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्