स्याङ्जामा पनि देउसी भैलो खेल्न नपाइने

syangja
लाेकपाटी न्यूज

स्याङजा, २६ कार्तिक। स्याङ्जा प्रशासनले यस वर्षको देउसी भैलोलगायतका सामूहिक भेटघाट र शुभकामना आदानप्रदानमा रोक लगाएको छ।

बढ्दो कोरोना संक्रमणका कारण तिहारको समयमा गरिने मनोरञ्जनात्मक कार्यहरु देउसी भैली, नाचगान, पीङ खेलाउनेलगायतका अन्य सामूहिक गतिविधि संचालन नगर्न प्रशासनले अनुरोध गरेको हो।

जिल्ला प्रशासन कार्यालयका प्रशासकिय अधिकृत नवराज बरालतद्धारा हस्ताक्षरित सूचनामा मेला महोत्वस नगर्न, सामाजिक तथा भौतिक दूरी कायम गर्ने, सार्वजानिक सवारीको सञ्चालनमा स्वास्थ्य सुरक्षा मापदण्ड पालना गर्ने, अनिवार्य मास्कको प्रयोग गर्ने, साबुनपानी तथा स्यानिटाइजरले हात धुने बानीको विकास गर्न उल्लेख छ।

मठमन्दिर, चर्च, गुम्बा, मस्जिदलगायतका धार्मिक स्थलमा गरिने दैनिक पूजाआजा बाहेकका अन्य गतिविधि नगर्न सुझाव दिएको छ भने चाडपर्व घरपरिवारभित्र मनाउन पनि अनुरोध गरेको छ।

प्रशासनले सार्वजानिक शान्ति शुरक्षामा खलल पु¥याउने, जुवातास, पटका पडकाउने, आतिसबाजी र विक्रि वितरण गर्ने कार्य निषेध गरेको छ। प्रशासनले उल्लेखित सूचना विपरितको क्रियाकलाप भए गरेको पाइएमा स्थानीय प्रशासन ऐन, २०२८ तथा संक्रामक रोग ऐन, २०२० बमोजिम कारवाही गरिने जनाएको छ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्