ललितपुर जिल्ला अदालतमा एनआईसी एशिया बैंकको विस्तारित काउण्टर

PIC 2
लोकपाटी न्यूज
0 Shares

काठमाडौं, २८ माघ। एनआईसी एशिया बैंक लिमिटेडको विस्तारित काउण्टर ललितपुरको जिल्ला अदालत लगनखेलमा उद्घाटन गरिएको छ। बैंकले लगनखेलमा आफ्नो १०९ औं विस्तारित बैंकिङ्ग सेवाको सुरुवात गरेको हो।

विस्तारित काउण्टरको मंगलबार ललितपुर जिल्ला अदालतका मूख्य न्यायाधीश महेन्द्रबहादुर कार्कीले समुद्घाटन गरेका हुन्। कार्यक्रममा ललितपुर जिल्ला अदालतका न्यायाधीश एवं पदाधिकारी तथा यस बैंकका उच्च पदस्थ पदाधिकारीहरूको उपस्थिती रहेको थियो।

उद्घाटन कार्यक्रममा बोल्दै बैंकका नायव प्रमूख कार्यकारी अधिकृत सुधिर नाथ पाण्डेले अदालत परिसरमा विस्तारित काउण्टर सञ्चालनमा आएसँगै अदालतमा आउने सेवाग्राहीलाई अदालती शुल्कका साथै दस्तुर बुझाउन र आवश्यक पर्ने रकम व्यवस्थापनका लागि सहज हुने बताए। उनले यस बैंकको बैंकिङ्ग सेवा देशका हरेक कुना कन्दरामा पुर्‍याउने बैंकको अथक यात्रा जारी रहेको जानकारी दिए।

बैंकलाई आमजनमानसले गरेको प्रगाढ विश्वास, अगाध स्नेह र बैंक प्रतिको भरोसाले गर्दा यस बैंकको मुलुकभर ३१३ शाखा कार्यालयहरु, ४४२ एटिएम, १०९ वटा एक्स्टेन्सन काउण्टर एवं ५२ वटा शाखारहित बैंकिङ्गमार्फत् बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन सफल भएको छ। करिव २१ लाख ग्राहकहरूका साथ सञ्चालनमा रहेको यस बैंकका प्रमूख वित्तीय परिसूचकहरु अत्यन्त उत्साहप्रद रहेका छन्।

उत्तरदायी बैंकिङ्गको अभ्यास गर्दै आएको यस बैंकले गत आर्थिक वर्षमा प्रत्यक्ष र अप्रत्यक्ष गरी करिव ३ अर्ब १५ करोड रुपैयाँ भन्दा बढी राजश्व नेपाल सरकारलाई भुक्तानी गरिसकेको छ भने वित्तीय समावेशीकरणका लागि मुगु, कालिकोट, बझाङ, रुकुम, जुम्ला, सल्यान जस्ता बैंक तथा वित्तीय संस्थाहरुको उपस्थिति न्यून रहेका दुर्गम जिल्लाहरुमा तथा कुनै पनि बैंक तथा वित्तीय संस्थाहरु नपुगेको ३४ भन्दा बढी स्थानीय निकायहरुमा शाखा विस्तार गरी सञ्चालन गर्दै आइरहेको छ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्