राजतन्त्र पक्षधरको आन्दोलनलाई हल्का रूपमा नलिऔंः मोहनविक्रम सिंह

mohan-bikram-singha
  • 78
    Shares
लोकपाटी न्यूज

काठमाडौं।नेपाल कम्युनिस्ट पार्टी मसालले राजतन्त्र र हिन्दू राष्ट्रको पक्षमा राजावादीहरुले  बढाइरहेको सक्रियतालाई हल्का रुपमा नलिन आग्रह गरेको छ। महामन्त्री मोहनविक्रम सिंहले विज्ञप्ति जारी गरी यस्ता गतिविधिका विरुद्ध तथा गणतन्त्र र धर्म निरपेक्षता समेतको रक्षाको लागि सबै गणतन्त्र पक्षधर शक्तिहरु एक हुनुपर्ने बताएका छन्।

‘अन्यथा, पौष १ गते र माघ १९ गतेका घटनाहरुको पुनरावृत्ति हुने र त्यसका विरुद्ध नेपाली जनताले पुनः लामो संघर्ष गर्नुपर्ने स्थितिको सिर्जना हुनसक्ने सम्भावनालाई अस्वीकार गर्न सकिन्न’ सिंहले भनेका छन्। नेकपा वा अहिलेको सरकारप्रतिको असन्तोषका कारणले गणतन्त्र प्रति नै असन्तोष र विरोधका आवाज सुनिएको भन्दै मसालले तर सरकारको असन्तोषका कारणले राजतन्त्रको समर्थन गर्नु तात्कालिक र दीर्घकालीन दृष्टिकोणले देश र जनताका लागि घातक हुने बताएको छ।

मसालले स्वयं प्रधानमन्त्री र सरकारले भ्रष्टाचार काण्डहरुमा छानबिन गरेर दोषीहरूलाई सजाय दिन पहलकदमी गर्नुको सट्टा बिना कुनै छानबिन आरोपित व्यक्तिहरूलाई सफाइ दिने गरेको भन्दै ट्रान्सपरेन्सी इन्टरनेसनलको भ्रष्टाचारसम्बन्धी प्रतिवेदन जायज रहेको धारणा राखेको छ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्