प्रदेशको स्थायी राजधानी बुटवल नै हुुन्छ : खाँण

  • 327
    Shares
0

अस्मिना पाण्डे/ तिलोत्तमा, १० माघ । नेपाली काँगे्रसका संसदीय दलका प्रमूख सचेतक बालकृष्ण खाँणले प्रदेश पाँचको स्थायी राजधानी रुपन्देहीको विकल्प हुन नसक्ने बताएका छन्। सुगमता, भौतिक पूर्वाधार, सुरक्षा, यातायात, अन्तर्राष्ट्रिय सम्बन्ध, आर्थिक गतिविधि र भौगौलिकताको हिसाबले पनि प्रदेशको राजधानी रुपन्देहीमा नै उचित हुने बताए ।

तिलोत्तमा उद्योग वाणिज्य संघले शुक्रबारदेखि आयोजना गरेको राष्ट्रिय औद्योगिक व्यापार मेला तथा कृषि पर्यटन महोत्सव उद्घाटन गर्दै नेता खाँणले यस्तो बताएका हुन्। पूर्वरक्षामन्त्री समेत रहेका खाँणले पूर्वाधारको हिसाबले प्रदेश पाँचको राजधानी रुपन्देहीको पनि बुटवलमा उपयुक्त हुने उल्लेख गर्दै रुपन्देहीमै स्थायी राजधानी बनाउने गरी पहल गर्न प्रदेश सरकारलाई आग्रह गरे।

नेपाली कांगे्रसका केन्द्रीय सदस्य खाँणले सरकारले संविधानको प्रतिकुलमा काम गरेको आरोप लगाउंदै सरकारले जनतालाई मालिक बनाउने बेला आफै मालिक बन्न खोजेको बताए। जनतालाई सुरक्षा दिने र अधिकार दिने प्रमूख दायित्व सरकारको भएको उल्लेख गर्दै उनले आफ्नो प्रमूख दायित्वलाई सरकारले आत्मसाथ गर्न नसकेको दाबी गरे।

सरकारले आफूलाई मालिक सम्झनु संविधान विपरित भएको बताउदै लोकतान्त्रिक परिपाटीमा जनता नै सबै भएको खाँणको भनाइ छ । उनले मुलुकको आर्थिक सम्मृद्धिको लागि हरेक नागरिकलाई उत्पादनको क्षेत्रसँग जोड्ेर जनताको आर्थिक वृद्विदर बढाउनुको विकल्प नभएको बताए।

उद्योगीहरुको लगानी संरक्षण गर्ने र लगानीमैत्री वातावरण बनाउने दायित्व सरकारको भएको उल्लेख गर्दै नीजि क्षेत्रका उद्योगी व्यवसायीको समस्यामा गम्भीर हुनुपर्नेमा जोड दिए। तिलोत्तमाको विकासले समग्र रुपन्देहीको विकासलाई माथि उठाउने उल्लेख गर्दै रुपन्देहीको विकासले देशको विकासमा टेवा पु¥याउने नेता खाँणको भनाइ छ ।

प्रदेश सांसद रमा अर्यालले उद्योगी व्यवसायीलाई स्वतन्त्र रुपमा उद्योग सञ्चालनका लागि सरकारले वातावरण सिर्जना गर्न नसकेको बताइन्। सरकार उद्योगी व्यवसायीको अभिभावक बन्न नसकेको आरोप लगाउंदै आम्दानीका श्रोतका आधारमा मात्र कर उठाउनु पर्ने उनले बताइन्।

तिलोत्तमा नगरपालिकाका प्रमूख बासुदेव घिमिरेले मेला तथा महोत्सवले स्थानीय कला, संस्कृति, उद्योग पर्यटनको विकासमा सहयोग पुर्‍याउने बताए। उनले हरेक वर्ष मेला महोत्सव आयोजना गर्दा निर्माण गरिने अस्थायी संरचनामा लाखौलाख हुने खर्चलाई रोक्ने गरी स्थायी संरचना बनाउनु पर्ने र स्थायी संरचनाका लागि तिलोत्तमा नगर सरकारले सहयोग गर्ने प्रतिबद्धता जनाए ।

तिलोत्तमा नगर उपप्रमूख जगेश्वरदेवी चौधरीले सम्मृद्ध नगर बनाउनका लागि उद्योगी व्यवसायीबाट कर उठाउनु पर्ने उल्लेख गर्दै तिलोत्तमाले अन्य स्थानीय सरकारले भन्दा कम कर उठाएको बताइन् ।
मेला आयोजक संस्थाका अध्यक्ष गुणनीधि भण्डारीले पुराना नीति नियमका कारण उद्योगी व्यवसायीले नयां उद्योग सञ्चालनमा समस्या भएको बताए । नेपाल उद्योग वाणिज्य महासंघ केन्द्रीय सदस्य सुरेन्द्र श्रेष्ठले उद्योग व्यवसाय नफस्टाउंदासम्म देशको आर्थिक सम्मृद्धि हुन नसक्ने बताए ।सरकारका नीति नियम गलत भएकाले उद्योग व्यवसाय फस्टाउन नसकेको दावी गर्दै सरकारले गर्ने काम नीजि क्षेत्रले गरेको उनले बताए।

कार्यक्रममा नेपाली कांगे्रस रुपन्देही सभापति अब्दुल रज्जाक, तिलोत्तमा नगरपालिका वडा नम्बर पाँचका वडाध्यक्ष चेतनारायण भण्डारी, बुटवल उद्योग बाणिज्य संघका अध्यक्ष खेम हमाल, तिलोत्तमा व्यापार संघका अध्यक्ष झविन्द्र कंडेल, तिलोत्तमा उद्योग वाणिज्य संघका सल्लाहाकार चन्द्रमान श्रेष्ठ, वरिष्ठ उपाध्यक्ष ज्ञानेन्द्र कार्की, महासचिव कमल कंडेल लगायतले बोल्दै लगानीमैत्री वातावरण बनाई दिन सरकारसँग माग गरे । कार्यक्रममा विभिन्न झाँकी तथा नृत्य प्रस्तुत गरिएको थियो । १५ करोडको आर्थिक कारोवार हुने र ३ सय बढी स्टल रहेको मेलामा ५ लाख दर्शकले अवलोकन गर्ने आयोजकहरुको अपेक्षा गरिएको छ ।

Comments
Loading...
You might also like