‘आउन माया’ भन्दै आए सुरेन्द्र महर्जन (भिडियोसहित)

  • 25
    Shares
0

काठमाडौं, १२ फागुन। प्रेम संसार, प्रेम जीवन, प्रेममा अडिएको सृष्टि, जहाँ भगवानदेखि मान्छे, मान्छेमा मात्रै नभएर पशु पन्छीहोस् या सजीव सबैलाई चाहिने अति आवश्यक कुरा भनेकै माया अर्थात प्रेम हो। माया प्रेम कै कुरा गर्नुपर्दा, नेपाली गीत, सङ्गीत र सञ्चार क्षेत्रमा धेरै समयदेखि निरन्तर लाग्दै आएकी गायिका योजना पुरीको स्वरमा आउन माया’ गीत बजारमा सार्वजनिक भएको छ।

कवि, गीतकार एवं साहित्यकार सुरेन्द्र महर्जन ‘अमर’को रचनामा राम कार्कीको एरेञ्ज तथा सङ्गीत रहेको ‘आउन माया बसी देऊ यो दिलमा तिम्रै लागि साँच्या छु जोवन’ बोलको मायामा अल्झिएर नयाँ संसारको कल्पनामा हराउने मनमा सपनाहरू देख्ने हृदय स्पर्सी गीतको भिडियो सार्वजनिक भएको हो।

राजु श्रेष्ठले निर्देशन गरेको गीतको भिडियोमा सुपा खनाल र सुरेन्द्र महर्जनको अभिनय रहेको छ। उक्त गीत युवा पुस्तालाई लक्षित गरेर बजारमा ल्याइएको सर्जकले बताएका छन्। आम दर्शक एवं स्रोताको ढुकढुकीमा बस्न सक्ने रचनाकारले बताए। सुरेश बज्राचार्यको छायाँकन तथा सम्पादन रहेको गीतको भिडियोमा मनिषा भट्टराईको श्रृङ्गार रहेको छ। भिडियो अपसराज एवं अमर सङ्गको प्रस्तुतिमा स्रोता÷दर्शकमाझ आएको हो।

 

Comments
Loading...
You might also like