ब्रिटेनका राजकुमार चार्ल्सलाई कोरोना भाइरस सङ्क्रमण भएको पुष्टि

  • 185
    Shares
0

काठमाडौं, १२ चैत। ब्रिटेनका राजकुमार चार्ल्सलाई कोरोनाभाइरस सङ्क्रमण भएको पुष्टि भएको छ। उनको औपचारिक निवास क्ल्यारन्स हाउसले राजकुमार चार्ल्सलाई कोरोना भएको पुष्टि गरेको हो।

७१ वर्षीय राजकुमार चार्ल्सलाई मध्यम खालका लक्षणहरू देखिएको तर उनको स्वास्थ्यावस्था राम्रो भएको एक प्रवक्ताले बताएका छन्। उनकी पत्नी डचिस कोर्न्वलको पनि परीक्षण गरिएको छ। तर उनमा भाइरस भएको देखिएन।

चार्ल्स र कमिल दुवै जना अहिले स्कटल्यान्डस्थित ब्यालमरलमा अरूबाट अलग्गिएर एकान्तवासमा रहेको क्ल्यारन्स हाउसले बताएको छ। केही हप्तायता उनी धेरै सार्वजनिक कार्यक्रममा सहभागी भएका ‘कसबाट राजकुमारमा भाइरस स¥यो त्यो पत्ता लगाउन सम्भव ‘नभएको क्ल्यारन्स हाउसको विज्ञप्तिमा उल्लेख छ। बीबीसी

Comments
Loading...
You might also like