आइतवार चार कम्पनीको साधारण सभा हुदै

  • 82
    Shares
लाेकपाटी न्यूज

काठमाडौं । चार ओटा कम्पनीको साधारण सभा आइतवार हुने भएको छ ।

प्रभु बैंक, लुम्बिनी विकास बैंक, बरुण हाइड्रोपावर र नेपाल बङ्गलादेश बैंकले साधारण सभा गर्न लागेका हुन् । नेपाल बङ्गलादेश बैंकले रजिष्टर्ड कार्यालयमा बिहान ११ बजे साधारण सभा बोलाएको छ । सभाले ६ प्रतिशत बोनस शेयर र २ दशमलव ४२ प्रतिशत नगद लाभांश वितरण गर्ने प्रस्ताव पारित गर्नेछ । उक्त कम्पनीको लाभांश पुस ९ गते सम्म कायम शेयरधनीले पाउनेछन् ।

त्यसैगरी प्रभु बैंकले केन्द्रीय कार्यालयमा बिहान ११ बजे साधारण सभा बोलाएको छ ।सभाले १० प्रतिशत बोनस शेयर र शून्य दशमलव ५३ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ । पुस ९ गतेसम्म कायम शेयरधनीेले लाभांश पाउनेछन् ।

लुम्बिनी विकास बैंकले पनि केन्द्रीय कार्यालय काठमाडौंमा बिहान ११ बजे साधारण सभा बोलाएको हो । सभाले प्रस्ताव गरेको ७ प्रतिशत बोनस शेयर र ३ प्रतिशत नगद लाभांश वितरण गर्ने प्रस्ताव पारित गर्नेछ ।पुस १३ गते सम्म कायम शेयरधनीले लाभांश पाउनेछन् ।

बरुण हाइड्रोपावर कम्पनीले बिहान १० बजे युनियन हाउस अनामनगरमा साधारण सभा बोलाएको हो । सभाले ५ प्रतिशत बोनस शेयर र शून्य दशमलव २६३ प्रतिशत नगद लाभांश वितरण गर्ने प्रस्ताव पारित गर्नेछ । उक्त कम्पनीको लाभांश पुस १५ गतेसम्म कायम शेयरधनीले पाउनेछन् ।